المتابعون

الجمعة، 29 مارس 2019

جوزي اتجوز سلفتي الجزء الثالث





بعد ما حماتي قالتلي ان جوزي فوق عند سلفتي

 قلتلها : طيب هطلع

أنادي له و بالمرة أسلم علي دلال ( سلفتي ) .

قالتلي : تلاقيه هينزل دلوقتي دي سلفتك نادت له 

مش

عارفة عاوزاه يعملها إيه في الشقة خليكي و هطلع 

أنادي له أنا .

قولتلها : لأ خلي الولاد معاكي و مع ولاد عمهم و أنا 

هطلع أنا

و سبتها و طلعت قبل ما تتكلم تاني .

خبط علي الباب .... لما الباب فتح لاقيته خارج لي 

بفانلة حمالات و بنطلون ترنج

و لمحتها وراه لابسة عباية خفيفة و شعرها مش 

متغطي .

أول ما شفت المنظر من سكات خدت بعضي و نزلت

 علي حماتي علشان أخد ولادي

و هو نزل جري ورايا ماتفهميش غلط و الله ما فيش 

حاجة

حماتي أول ما شافته قالتله : مش دلال نادت لك 

علشان تصلح حاجة في شقتها .

قالي : اه كنت بشوف السخان مش راضي يشتغل ليه .

قلتله بتشوف السخان بالفانلة الحمالات .

و خدت ولادي و نزلت و هو نزل جري ورايا يقولي 

هفهمك كل حاجة .

سبته بيتكلم و وقفت تاكسي و روحت علي بيت والدي

 و أنا منهارة و حكيت لهم كل حاجة .

و عدي أسبوع و بالرغم من ان أول مرة جه فيها والدي

 هزأه بس فضل ييجي طول الأسبوع كل يوم

  يطلب يقابلني و أنا ما كنتش برضي أقابله

كنت بخرج له الولاد يسلموا عليه و كان بيقعد شوية 

ويمشي .

و بعد الأسبوع وافقت أني أخرج أقابله .

أول ما شفته قلتله : أنا عاوزه أعرف ايه اللي بينك و 

بين مرات أخوك ازاي والدتك تسمح بحاجة زي دي

وكمان بتدراي عليكم ؟ و إعمل حسابك لو كدبت في

أي حاجة اعتبر ده نهاية كل اللي بيني وبينك .

قالي : و الله دي مراتي علي سنة الله و رسوله .

أول ما سمعته بيقول كده قولتله : مراتك امتي وازاي 

؟؟؟؟؟

و ليه أنا قصرت معاك في إيه ؟؟؟؟؟؟؟؟؟؟؟ قولي 

!!!!!! طبعا كنت منهارة إزاي يعمل فيا كده .

قالي أنا ما كنتش موافق بس لولا إن والدتي ضغطت 

عليا لأنها كانت عيانة جامد في الفترة دي

و أنا خفت تروح مني زي أخويا بالذات ان دلال قالت

 لها أنها مش هتقعد و هتتجوز

فماكنش قدامي غير أني أوافق

 أمي كان كل همها ان ولاد أخويا ما حدش غريب

 يربيهم .

قلتله : أنتو صح مش معقول حد غريب يربي ولاد

 أخوك أنت أولي بيهم

بس ولادك بقي أنا هجيبلهم راجل غريب يربيهم علشان

 أبوهم بيربي و لاد عمهم

طلقتي ......

قالي : أنا عمري ما أقدر أستغني عنك و لا عن ولادي و

 لولا أن أمي ضغطت عليا

عمري ما كنت وافقت أبدا بلاش تهدمي حياتنا

 أنا تعبت أوي من غيركم اليومين اللي فاتو دول و 

مستعد أعمل أي حاجة

علشان تسامحيني .

قلتله : لولا أن عندنا ولاد كنت أصريت علي  الطلاق 

بس علشان خاطر ولادي هديك فرصة تانية

و هقولك يا تختار ولادك

يا تختارها هي و ده اخر كلام عندي .

من غير ما يفكر قالي : موافق . و بعد أسبوع جوزي 

جابلي ورقة طلاق سلفتي بالثلاثة و روحنا معاه البيت

 أنا و الولاد .

بالرغم من ان حماتي ما كانتش موافقة و قاطعت 

جوزي فترة

بس بعد ما الأمور هديت جوزي صالحها .

 أما سلفتي فأول ما عرفت أن جوزي طلقها

سابت البيت لحماتي و أخدت ولادها معاها و راحت 

عند أهلها و طبعا هددت حماتي أنها

هتتجوز و مش هتخليها تشوف الولاد . بس بعد فترة 

إضطرت ترجع تكلم حماتي و رجعت البيت

علشان مصاريف الولاد لأن جوزي هو اللي متكفل بيهم .

أما جوزي و بصراحة كان بيحاول علي قد ما يقدر

يراضيني و يعوضني عن اللي عمله و واحدة واحدة 

 رجعنا زي الأول

 و ما بقاش يروح لحماتي لوحده ابداااااااااااااااااا .

الخميس، 28 مارس 2019

جوزي اتجوز سلفتي الجزء الثاني





بعد وفاة سلفي ب 6 شهور بدأت ألاحظ حاجات

 غريبة علي جوزي

ما كانتش بتحصل قبل كده

واحدة واحدة بدأت زياراته تزيد أوي لحماتي 

قلت عادي عاوز يعوضها عن غياب

أخوه بس اللي مش عادي أنه بعد ما كان 

مابيروحش من غيرنا

لأ ده بقي يتحجج أي حجة علشان مانروحش 

معاه مثلا بقي يطلع من الشغل علي هناك

علي طول و يتصل بيا يقولي إتغدوا أنتو علشان 

أنا هتغدي عند والدتي . يوم أجازته

و هو رايح ما بقاش يرضي ياخدني معاه و 

يتحجج إن العيال هيتعبوا من الطريق

(إشمعني دلوقتي الطريق هيتعب العيال ما 

العيال كانوا أصغر من كده و كنا بنروح عادي )

لأ و كذا مرة يتصل بيا من هناك يقولي الوقت 

إتأخر هبات .

و مرة في يوم أجازته جهزت لبسي ولبس الولاد 

و سيبته في أوضة الأطفال

و بعد ما فطرنا دخل يلبس علشان يروح دخلت 

أنا كمان لبست ولبست العيال

لما لبس و خرج و شافنا إحنا كمان لابسين

بان عليه التوتر

و سألني : إيه أنتو لبستوا ليه ؟

قلتله : خارجين .

قالي علي فين ؟

قلتله : معاك ماما (حماتي) وحشتني بقالي كتير 

ما شوفتهاش قلت بالمرة و أنت رايح تاخدني

 معاك أشوفها حتي

كمان تشوف الولاد .

بان علي وشه الضيق و قالي : ما تخليها المرة 

اللي جاية ده حتي أنا رايح و راجع علي طول .

قلتله : احنا لبسنا و خلاص لسه هنقلع يلا يلا 

هنسبقك علي تحت .

و سبناه و نزلنا نزل ورانا علي طول .

و إحنا في الطريق قالي : أنا هرن علي والدتي 

علشان أعرفها أنكم جايين معايا .

قلتله : لأ خليها مفاجأه دي هتفرح أوي لما تلاقي

 العيال داخلين عليها .

لما وصلنا دخلت سلمت علي حماتي و الولاد 

سلموا عليها و علي ولاد عمهم و لاقيت سلفتي

خارجة من مطبخ حماتي و هي علي سنجة 

عشرة لابسه و متمكيجة اللي يشوفها ما يقولش

 إن دي جوزها

متوفي من 8 شهور و أول ما شافتني بان علي 

وشها أنها إتضايقت سلمنا علي بعض .

نظرات سلفتي لجوزي كانت مفضوحة أوي طول

 القعدة و كل كلامها كان موجه لجوزي بمنتهي

 الدلع

و جوزي كان بيحاول يتجنبها علشان ما أخدش 

بالي .

بعد ما روحنا قلت لجوزي أنا عاوزه أرجع شقتنا 

تاني علشان نبقي جنب مامته علي طول

أول ما قلت كده لجوزي إتخض و قالي لأ و 

شغلي قلتله ما إحنا كنا فيها و كنت بتروح شغلك

 عادي

و بعدين لو رجعنا الشقة هتوفر مشاوير مرواحك 

لمامتك و هنبقي جنبها كلنا بس هو رفض و 

رفضه

ده أكدلي إن في حاجة مش طبيعية .

بعد عشر أيام جوزي إتصل بيا قالي أنو رايح 

لحماتي بس أنا سمعت صوت ابن سلفي في 

التليفون

سألته قولتله أنت روحت و لا لسه هتروح قالي لأ

 لسه هروح و ممكن أبات قلتله و ماله

و من غير تفكير

لبست و لبست أولادي و روحنا لحماتي .

أول ما حماتي شافتني إتلجلجت دخلت سلمت 

عليها و قلتلها : أومال فين عزت قالي إنو جايلك .
قالتلي فوق عند سلفتك .

يتبع .............................
جوزي اتجوز سلفتي الجزء الثالث .

جوزي اتجوز سلفتي الجزء الأول






أنا هند من خمس سنين إتجوزت كنا 

في شقة في نفس البيت مع

حماتي و سلفي .

حماتي هي اللي ربت زوجي و سلفي بعد وفاة 

والدهم و هما صغيرين

لما حمايا توفي كانت حماتي لسه في عز 

شبابها بس هي رفضت الجواز

و وهبت حياتها لأولادها ربتهم و كبرتهم علشان

 كده جوزي و سلفي

مش بيستحملوا الهوا علي حماتي و روحهم 

فيها .

سلفي متجوز قبلنا بسنتين و عنده ولدين .

بعد جوازنا ربنا رزقنا بأحمد و بعد أحمد زينب .

ب
و بالرغم من إني كنت ساكنة مع أهل جوزي في

 نفس البيت

إلا ان علاقتي بيهم كانت كويسة لأننا ما كناش 
نختلط ببعض كتير حتي

حماتي في ست بتيجي تعمل لها شغل البيت و 

لو إحتاجت حاجة ما كانتش بتطلب مني أنا أو 

من سلفتي

بصراحة كانت بتطلب من أولادها يعني كل 

واحد في حاله .

بعد 3 سنين من جوازنا نقلنا في شقة تانية 

أقرب لشغل جوزي .

بعد ما نقلنا جوزي كان علي طول بيتصل 

بوالدته يتطمن عليها

و كان بياخدني أنا و الولاد و نروحلها مرة كل 

أسبوع في يوم أجازته

و لو في يوم كنت تعبانة أو مش فاضية إني 

أروح معاه كنت بقوله يروح هو

بس ما كانش بيرضي و يقولي : يعني حتي يوم

 الأجازة هقضيه بعيد عنكم .

كنت أقوله : إحنا راضيين روح أنت إتطمن علي

 مامتك و إرجع .

كان يرد و يقولي : خلاص هتصل أطمن عليها و

 نبقي نروح كلنا في يوم تاني

رجلي علي رجلكم  .

كانت حياتنا مثالية و جميلة لحد ما فجأة من 

سنة اتوفي سلفي في حادثة

و هو في عز شبابه و ساب مراته و طفلين 

عندهم 6 سنين و 4 سنين .

و كانت وفاته صدمة كبيرة لجوزي و حماتي .

و بعد فترة من وفاة سلفي بدأت ألاحظ

 حاجات غريبة علي جوزي .

يتبع ..................................................

جوزي اتجوز سلفتي الجزء الثاني .

الأربعاء، 27 مارس 2019

أخو جوزي الجزء الرابع




بعد ما سلفي واجهني بالتسجيلات حسيت إن الدنيا إسودت في وشي .
زعقت فيه و قلتله حرام عليك بتعمل معايا كده ليه أنا عملت معاك إيه
لكل ده بلاش أنا ما فكرتش في ابن أخوك قبل ما تعمل اللعبة دي كلها ليه .
قالي : كانت أمه فكرت فيه قبل ما تخون أبوه .
قلتله : أنا أنا ما خنتهوش و ما حدش لمس مني شعرة كل ده كان مجرد كلام
و أنت عارف كده كويس (كنت منهاره وبعيط و كل اللي بيدور في بالي فضيحتي
اللي هتبقي علي كل لسان ) .
لما قالي ممكن نتفاهم ما كانش قدامي غير إني أقبل بكل اللي هو عاوزه مع إنه هو السبب
في كل ده بس علشان ما أتفضحش  كنت مستعدة أعمل أي حاجة.
قلتله : طلباتك .
قالي : تطلبي الطلاق و كمان تتنازلي عن كل حقوقك .
قدامك أسبوع أسبوع واحد أسبوع و يوم واحد تسجيلاتك و رسايلك
هتبقي علي كل تيليفون في بلدنا و مش بلدنا بس لأ و البلاد اللي جنبنا كمان
دي هتبقي ولا حكاية ألف ليلة و ضحك ضحكة عالية و سابني و نزل .
قعدت أسبوع مع جوزي كان أقصر أسبوع عيشته في حياتي
كنت بودع فيه جوزي و شقتي و حياة كاملة عشتها بدفعها تمن غلطة واحدة
في لحظة ضعف .
ده حتي بعد ما أنفذ طلبات سلفي ما عنديش أي ضمان يضمن لي إن سلفي ما يفضحنيش
بعد ما أعمل كل اللي هو عاوزه .
كان أملي الوحيد إني لما أبعد و أسيبله الجمل بما حمل يسبني في حالي .
و بعد ما عدي الأسبوع أخدت إبني و روحت علي بيت أهلي
و طلبت الطلاق .
جوزي و أهلي ما كانوش مصدقين اللي بيحصل و كانوا فاكرين إن دي لحظة شيطان و هتروح لحالها .
بس أنا أصريت و قلبي كان بيتقطع .
 الغريبة بقي إني وصلني إن سلفي كان بيعقل جوزي و يقوله حافظ علي بيتك علشان في
بينكم طفل و كان بيوسط ناس علشان أرجع عن اللي في دماغي  علشان يبان قدام الناس الراجل التقي النقي اللي مافيش زيه .
بس كل ده ما كفاش سلفي ما حبش إني أطلق من غير فضيحة .
و بعد كام يوم لاقيت جوزي جاي بيت والدي و عينيه مليانة شر والدي قابله قاله خير يا ابني ؟
جوزي قاله : أنا عاوز إبني وبنتك اللي سيريتها علي كل لسان ما تلزمنيش .
والدي قاله : إحترم نفسك أنا بنتي أشرف من الشرف .
جوزي قاله : شرف وراح مطلع التسجيلات مسمعها لوالدي .
والدي دخل عليا الأوضة ضربني و أخد إبني مني و أنا بعيط و أصوت و ماسكة في إبني
عماله أتحايل عليه يبسيبهولي قالي أنتي حطيتي راسنا في الطين و الولد أبوه أولي بيه .
سلفي ربنا ينتقم منه بعت التسجيلات لكل البلد و علشان يبين أنه مالوش علاقة بالموضوع ما رضيش
يقول لجوزي لأن كده كده جوزي كان هيعرف من برة .
جوزي طلقني و أخد مني إبني أبويا جاتله جلطة و إخواتي قعدوا فترة مايخرجوش من البيت علشان فضيحة أختهم .
  اما أنا بقي فعايشة ميتة بفضيحتي اللي ملازماني حتي باب البيت ما بقيتش أقدر
حتي أخطيه أهلي اللي عايشة معاهم مقاطعني .
أنا عايشة بفضيحة حتي الزمن مش هيبقي كفيل إنه ينسيها للناس .



الاشتراك في: الرسائل (Atom)

نموذج الاتصال

الاسم

بريد إلكتروني *

رسالة *

جميع الحقوق محفوظة لــ قصص 2015 ©