قصص

انا ابتهال متجوزه من ٤ سنين عندي ولد عنده ٣ سنين وحامل متجوزه في مدينة بعيد عن اهلي واهل جوزي علشان ظروف شغله .
حياتنا كانت هادية ، بس الامر ما يخلاش بردو من بعض المشاكل البسيطة زي انه مش ملتزم بالصلاة واغلب خناقتنا كانت علي تقصيره ده ومش ازمه لو عينيه زايغه شوية              اهي الحياة كانت ماشيه
بس حكايتي ابتدت لما
في ليلة وانا مستنيه جوزي يرجع من شغله زي كل يوم،.
وسمعت صوت مفاتيحه في الباب قمت استقبله كالعادة بس كانت معاه بنت في اوائل العشرينيات لبسها مبهدل وشكلها مان نامتش بقالها يومين
سألته مين دي يا توفيق ؟
قالي ندخل بس وهحكيلك علي كل حاجة
دخل الصالون ودخلت وراه البنت
قالها استريحي هنا وهجيلك علطول
وخدني من ايدي وقالي تعالي  ودخل بيا المطبخ
جهزي العشا بسرعة البنت واقعه من الجوع !
قلتله ما فيش اكل قبل ما اعرف في ايه ومين البنت دي ؟
قالي دي بنت غلبانه ابوها متوفي وجوز امها طردها من البيت
قلتله واحنا مالنا
قالي مالنا ازاي افرضي حصل للبنت حاجه وهي بايته في الشارع وانتي عارفه ولاد الحرام
قلتله : وبعدين
قالي : بس هتقعد معاكي يومين علي ما اشوف حل .

وبعد شد وجذب بيني وبينه مالاقيتش قدامي حل غير اني اوافق علي امل انها تقعد يومين ،ويشوفلها مكان تاني او يصالحها مع جوز امها ماهو جوزي عنده حق الشارع مش امان علي بنت زيها .
جهزت الاكل وأكلت هي وجوزي وبعدها اديتها هدوم من عندي تلبسها وعدي اليومين
وبردو مافيش اخبار عن انها هتمشي
سألت جوزي : مش انت قولت يومين وسارة تمشي احنا داخلين علي أسبوع !
قالي : هشوفلها حل ماتقلقيش .
كانت الامور عادية ، جوزي ييجي ادخلها اوضة ابني بصراحة ماكانتش تخرج منها غير بعد مايمشي،
وبردو كانت بتساعدني في شغل البيت ،
وبعد فترة تعبت وروحت للدكتور الدكتور قال لازم راحة تامه علشان الجنين في خطر !
وساعتها لازمت السرير وهي كانت بتقوم بكل حاجة من اكل وتنضيف وغسيل حتي كانت بتكوي هدوم جوزي
وفي ليلة قومت بالليل ما لاقيتش جوزي جنبي
والدنيا ساكته خالص !
قولت اكيد بيشرب سيجارة في البلكونة
بس المصيبة لما لاقيتهم .......

لتحميل الجزء الثاني اضغط هنا